Gənclərimizi xilas edən mübarizə – Ənvər Həsənovun izi Bərdədə.
Bərdə Rayon Polis Şöbəsinin rəisi Ənvər Həsənovun cinayətkarlığa, xüsusilə də narkotik vasitələrin qanunsuz dövriyyəsinə qarşı apardığı məqsədyönlü və ardıcıl mübarizə, rayonun ictimai təhlükəsizliyinin təmin olunmasında mühüm rol oynayır. Onun rəhbərliyi ilə həyata keçirilən uğurlu əməliyyatlar nəticəsində son dövrlərdə bir sıra cinayətkar qruplar zərərsizləşdirilmiş, qanunsuz dövriyyədən külli miqdarda narkotik vasitələr çıxarılmış, qanunun aliliyinə olan inam bir daha təsdiqini tapmışdır. Ənvər Həsənovun Bərdəyə təyin olunmasından öncə rayon ərazisində, xüsusilə 26-cı küçə, Alaçadırlı kəndi və bir sıra yaşayış məntəqələrində narkotik vasitələrin dövriyyəsi və istifadəsi ciddi narahatlıq doğururdu. Gənclərimizin gələcəyini zəhərləyən bu təhlükəli meyillərə qarşı qəti və prinsipial mövqe nümayiş etdirən Ənvər Həsənov qısa müddətdə bu problemin kökünü kəsməyə nail oldu. Rayon sakinləri bu fədakar fəaliyyətinə görə ona dərin minnətdarlığını bildirir. Ənvər Həsənov öz xidməti fəaliyyətində peşəkarlıq, prinsipiallıq və dövlətə sədaqət kimi dəyərləri daim ön planda tutur. Onun rəhbərliyi altında Bərdədə ictimai asayişin qorunması və vətəndaşların təhlükəsizliyinin təmin olunması istiqamətində əhəmiyyətli nəticələr əldə olunmuşdur. Bu uğurlar təkcə bir rayonun deyil, bütövlükdə ölkəmizin hüquq-mühafizə sistemindəki müsbət dəyişikliklərin bariz göstəricisidir. Ənvər Həsənovun Bərdə Rayon Polis Şöbəsinin rəisi vəzifəsinə təyin olunması, Daxili İşlər Naziri general-polkovnik Vilayət Eyvazovun uzaqgörən kadr siyasətinin təzahürüdür. Nazir Vilayət Eyvazovun rəhbərliyi altında hüquq-mühafizə orqanlarında aparılan islahatlar nəticəsində sistem daha çevik, şəffaf və vətəndaş yönümlü fəaliyyət prinsipləri üzərində qurulmuşdur. Bu gün Bərdədə təhlükəsizliyin təmin olunması və cinayətkarlığa qarşı mübarizənin effektiv təşkili, məhz belə fədakar rəhbərlərin və peşəkar kollektivin birgə əməyinin nəticəsidir. Ənvər Həsənovun idarəçilik bacarığı, müasir tələblərə uyğun yanaşması və kollektivin bir məqsəd ətrafında səfərbər olunması Bərdə Rayon Polis Şöbəsini bölgədə nümunəvi strukturlardan birinə çevirmişdir. Cəmiyyətin rifahı, dövlətin sabitliyi və vətəndaşların təhlükəsizliyi uğrunda göstərdiyi fədakar xidmətlərinə görə Ənvər Həsənova və onun rəhbərlik etdiyi kollektivə dərin təşəkkür və minnətdarlığımızı bildiririk. Onların hər bir əməliyyatı və addımı vətənə sədaqətin, qanuna hörmətin və dövlətçilik prinsiplərinə bağlılığın təcəssümüdür. Azərbaycan Respublikasının Daxili İşlər Nazirliyi və onun rəhbəri general-polkovnik Vilayət Eyvazovun müəyyən etdiyi strateji xətt çərçivəsində, ölkəmizin hər yerində olduğu kimi, Bərdədə də hüquq qaydalarının möhkəmləndirilməsi istiqamətində görülən işlər gələcəyə inam yaradır.Bu uğurlu fəaliyyətin davamını arzulayır, cənab Ənvər Həsənova və onun peşəkar kollektivinə gələcək xidmətlərində yeni nailiyyətlər, möhkəm iradə və dövlətimizə uzunmüddətli sədaqət arzulayırıq.
Qərbi Azərbaycan az.tv xəbər portalı.
Vaqif Məhəmməd oğlu
