Mahir Emreli Almaniya klubu ilə müqavilə bağlayıb

Azərbaycan millisinin üzvü Mahir Emreli Almaniyanın “Nürnberq” klubu ilə müqavilə bağlayıb.

“Report”un əldə etdiyi məlumata görə, 27 yaşlı hücumçu bu gün “qırmızı-qaralar”la “1+1” illik sözləşmə imzalayıb.

II Bundesliqa təmsilçisi keçidi sabah açıqlayacaq.

Qeyd edək ki, M.Emrelinin son olaraq çıxış etdiyi Xorvatiyanın “Dinamo” (Zaqreb) klubu ilə müqaviləsinə qarşılıqlı şəkildə xitam verilib.