Azərbaycan tarixinin ən faciəli səhifələrindən biri olan 31 Mart hadisələri xalqımızın yaddaşında dərin iz qoymuşdur. 1918-ci ilin mart-aprel aylarında baş verən və tarixə March Days 1918 kimi düşən bu qanlı qırğınlar zamanı minlərlə günahsız azərbaycanlı amansızcasına qətlə yetirilmişdir.Həmin dövrdə Bakı, Şamaxı, Quba, Qarabağ və digər bölgələrdə törədilən vəhşiliklər insanlığa sığmayan qəddarlıq nümunəsi idi. Evlər dağıdılmış, insanlar diri-diri yandırılmış, mədəniyyət abidələri məhv edilmişdir. Bu hadisələr xalqımıza qarşı planlı şəkildə həyata keçirilmiş soyqırımı siyasətinin bariz nümunəsi olmuşdur.Bu dəhşətli həqiqətlər uzun illər gizlədilməyə çalışılsa da, Azərbaycan müstəqilliyini bərpa etdikdən sonra öz layiqli qiymətini almışdır. Ulu Öndər Heydar Aliyev tərəfindən imzalanan fərmanla 31 mart “Azərbaycanlıların Soyqırımı Günü” kimi rəsmiləşdirilmişdir. Bu addım xalqımıza qarşı törədilən cinayətlərin dünya ictimaiyyətinə çatdırılması baxımından mühüm əhəmiyyət kəsb edir.Bu gün 31 Mart yalnız bir anım günü deyil, həm də milli yaddaşımızın, birliyimizin və tarixə sədaqətimizin göstəricisidir. Hər il bu tarixdə soyqırımı qurbanlarının xatirəsi dərin ehtiramla yad olunur, onların ruhuna dualar edilir.Bərdə rayon Uşaq-Gənclər İnkişaf Mərkəzinin direktoru Aynurə Əyyubova da bu əlamətdar gün münasibətilə qeyd edir ki, tariximizin belə ağrılı səhifələrinin unudulmaması, gələcək nəsillərə düzgün çatdırılması hər birimizin mənəvi borcudur. Gənclərin vətənpərvərlik ruhunda tərbiyə olunması, onların milli kimliyinə bağlı böyüməsi bu istiqamətdə ən vacib amillərdəndir.Unutmayaq ki, tarixini unudan xalq gələcəyini qura bilməz. 31 Mart hadisələri bizə bir daha xatırladır ki, milli birlik və güclü dövlətçilik xalqımızın sabahının əsas təminatıdır.
Allah bütün soyqırımı qurbanlarına rəhmət eləsin. Ruhları şad olsun.