Muzeydə Mirzə Qədim İrəvaninin 200 illiyinə həsr olunmuş tədbir keçirilib.
Azərbaycan Respublikasının Prezidenti cənab İlham Əliyevin müvafiq Sərəncamına əsasən, tanınmış Azərbaycan dəzgah boyakarlığının banisi Mirzə Qədim İrəvaninin 200 illiyi münasibətilə Milli Azərbaycan Tarix Muzeyi və “Vətəndaşların Sosial Rifahı Naminə” İctimai Birliyinin təşkilatçılığı ilə “Mirzə Qədim İrəvani dövrü, mühiti və yaradıcılığı” mövzusunda tədbir keçirildi.
Tədbirdə Muzeyin Təsviri materiallar fondunun müdiri, m.ü.f.d., dosent Nardanə Yusifova; Muzeyin elmi işlər üzrə direktor müavini, t.e.d., dosent Fərhad Cabbarov; Tarix üzrə fəlsəfə doktoru, dosent, AMEA Tarix və Etnologiya İnstitutunun Qərbi Azərbaycan tarixi şöbəsinin rəhbəri Cəbi Bəhramov; Dövlət mükafatı laureatı, Tarix üzrə fəksəfə doktoru Nazim Mustafayev; “Vətəndaşların Sosial Rifahı Naminə” İctimai Birliyinin sədri İradə Rizazadə; Bakı Xoreoqrafiya Akademiyasının müəllimi, Mirzə Qədim İrəvaninin nəsil davamçısı Kərimova Leyli; İqtisad Universiteti, Dizayn məktəbinin baş müəllimi, Rəssamlar İttifaqının üzvü Əli İsmayıl Əliyev; Texniki elmlər üzrə fəlsəfə doktoru, Pənah xan nəslinin davamçısı Dilquşə Mirzəyeva; Azərbaycan-Qazaxıstan İB-nin Prezidenti, Jurnalistlər ittifaqının üzvü, professor Eldar Adıgözəlov çıxış edib.Çıxışçılar Mirzə Qədim İrəvaninin Azərbaycan rəngkarlığının təşəkkülündəki əhəmiyyətli rolundan danışıb, bu irsin gələcək nəsillərə çatdırılmasının vacibliyini vurğulayıb, Mirzə Qədim İrəvani haqqında maraqlı faktları diqqətə çatdırıblar.
Tədbirin sonunda Mirzə Qədim İrəvaninin əsərləri əsasında Bakı İncəsənət gimnaziyasının və 108 saylı orta məktəb şagirdləri tərəfindən çəkilən rəsmlər nümayiş olunub. Tədbirdə ictimai birliyin kolleksiyasında Mirzə Qədim İrəvaniyə məxsus rəsm əsərlərinin, İrəvan Xan sarayı divarlarında həkk olunan əsərlərin fotosərgisi də nümayiş edilib.
