Ötən gün Ermənistanda “Türkiyə bayrağı yandırılması” təəssüf doğurur və regionda onsuz da həssas olan münasibətlərə mənfi təsir göstərir. Dövlət bayraqları yalnız bir ölkənin simvolu deyil, eyni zamanda onun xalqının tarixi, kimliyi və suverenliyinin ifadəsidir. Bu səbəbdən bayrağa qarşı edilən hər hansı hörmətsizlik, əslində, beynəlxalq münasibətlərdə qəbul olunmayan davranışdır.Xüsusilə qeyd etmək lazımdır ki, bu kimi addımlar nə regionda sülhə xidmət edir, nə də xalqlar arasında etimadın formalaşmasına. Əksinə, bu cür təxribat xarakterli hərəkətlər gərginliyi artırır və dialoq imkanlarını zəiflədir.Bugünkü reallıqda Cənubi Qafqaz regionunun ən çox ehtiyac duyduğu şey qarşılıqlı hörmət, konstruktiv yanaşma və əməkdaşlıq mühitidir. Bu baxımdan, belə hadisələrin baş verməsi qəbuledilməzdir və müvafiq dairələr tərəfindən qiymətləndirilməlidir.Eyni zamanda hesab edirəm ki, bu kimi hallar fərdi və ya radikal qrupların davranışı kimi dəyərləndirilməli, bütöv bir xalqın mövqeyi kimi təqdim olunmamalıdır. Regionda sabitlik və inkişaf yalnız sağlam düşüncə və qarşılıqlı anlaşma ilə mümkündür.
Ceyhun Əlibəy Ana Vətən Partiyası Cəbrayıl rayon təşkilatı sədri