Qerbiazerbaycanaz.tv media xəbər verir ki, Bu gün ölkəmizin hərb quruculuğuna öz töhfəsini verən Səfərbərlik və Hərbi Xidmətə Çağırış üzrə Dövlət Xidmətinin yaradılmasının 14 ili tamam olur. Peşə bayramı münasibəti ilə Bərdə rayon İcra Hakimiyyətinin başçısı Vidadi İsayev, hüquq mühafizə orqanlarının rəhbərləri və əməkdaşları Ümummilli Lider Heydər Əliyevin heykəli önünə gül dəstələri düzərək ehtiramlarını bildiriblər. Daha sonra Xidmətin rəhbər və işçi heyəti Bərdə Şəhidlər Xiyabanını ziyarət edərək torpaqlarımızın ərazi bütövlüyü uğrunda canlarını fəda etmiş şəhidlərimizin əziz xatirəsini yad etmişlər.
