Mesencerlər vasitəsilə zərərli bayram mesajları göndərilir

“Mesajlaşma tətbiqləri vasitəsilə içərisində viruslar olan bayram mesajları göndərilir”.

Oxu.Az xəbər verir ki, bunu Rusiya Dövlət Dumasının deputatı və “Rəqəmsal Rusiya” layihəsinin koordinatoru Anton Nemkin “RİA Novosti”yə bildirib.

Zərərli fayllar özlərini şəkillər, animasiyalar və ya videolar kimi gizlədirlər, lakin içərisində məlumatları oğurlaya, cihaza gizli giriş əldə edə və ya rabitə kanalını ələ keçirə bilən proqramlar var. Açıldıqdan sonra bu mesajlar bank tətbiqlərinə, parollara və digər həssas məlumatlara daxil ola bilərlər.