Sahibə Qafarova: Xorvatiya ilə minatəmizləmə sahələrində əməkdaşlıq xüsusi əhəmiyyət daşıyır

Keçirdiyimiz görüşdə Azərbaycan-Xorvatiya əlaqələrinin dostluq və qarşılıqlı hörmət prinsiplərinə əsaslandığını təsdiqlədik. Ötən 30 ildə əməkdaşlıq müxtəlif sahələrdə uğurla inkişaf edib və strateji tərəfdaşlıq səviyyəsinə çatıb.

“İki sahil” xəbər verir ki, bu sözləri Azərbaycanın Milli Məclisinin sədri Sahibə Qafarova Xorvatiya Parlamentinin sədri Qordan Yandrokoviç ilə keçirilən brifinqdə söyləyib.

O bildirib ki, siyasi dialoq, ali səviyyəli səfərlər və Davos İqtisadi Forumu çərçivəsində görüşlər qarşılıqlı maraq doğuran məsələlərin müzakirəsi üçün vacib olub. Ticarət, enerji və minatəmizləmə sahələrində əməkdaşlıq xüsusi əhəmiyyət daşıyır.