12 Noyabr – Dövlətçiliyin və Milli Birliyin Günüdür

Azərbaycan tarixində 12 Noyabr tarixi xüsusi əhəmiyyətə malikdir. 1995-ci ilin məhz bu günündə xalqımız ümumxalq səsverməsi yolu ilə Azərbaycanın ilk Konstitusiyasını qəbul etdi. Bu hadisə yalnız hüquqi dövlət quruculuğunda deyil, həm də milli birliyin möhkəmlənməsində əlamətdar bir mərhələdir.

12 Noyabr həm də milli dəyərlərə, azadlığa və dövlətçiliyə bağlılığın nümayişi günüdür. Bu gün hər bir vətəndaşın öz ölkəsinə olan sevgisini, dövlətinə olan sadiqliyini göstərməsi üçün əlamətdar bir tarixdir. Uşaqlıqdan vətənpərvərlik ruhunda böyüyən nəsillər, gələcəkdə ölkəmizin uğurlarına töhfə verəcək və dövlətçiliyimizin davamlılığını təmin edəcəklər.

Bərdə rayon Firamil Hüseynov adına Şirvanlı kənd körpələr evi–uşaq bağçasının müdiri Mehparə Qənbərova bildirib ki, belə əlamətdar günlərdə uşaqlara vətən sevgisi aşılanması, onların milli tariximizi anlaması çox önəmlidir. “Uşaqlıqdan vətənpərvər ruhda böyüyən hər bir fərd gələcəyimiz üçün ümidverici olacaq,” – deyə Mehparə xanım vurğulayıb.

Bu günün əhəmiyyətini anlamaq, gələcək nəsillərə ötürmək hər birimizin vəzifəsidir. 12 Noyabr – milli birlik və dövlətçiliyin simvolu olaraq hər il xalqımız tərəfindən böyük hörmət və sevgi ilə yad edilir.