Vüqar Sərdarov YÜKSƏK VƏZİFƏYƏ təyin olundu

Azərbaycan Respublikasının Auditorlar Palatasında yeni kadr təyinatı həyata keçirilib.

Palatanın beynəlxalq əlaqələr şöbəsinə yeni müdir təyin olunub. Bu vəzifəyə tanınmış ictimai-siyasi xadim, mərhum millət vəkili Zakir Sərdarovun oğlu Vüqar Sərdarov gətirilib.

Məlumata görə, Vüqar Sərdarov əvvəllər “İçərişəhər” Dövlət Tarix-Memarlıq Qoruğu İdarəsinin Elmi-Mədəni Mərkəzində direktor müavini vəzifəsində çalışıb. Onun Auditorlar Palatasında rəhbər vəzifəyə gətirilməsi, xüsusilə beynəlxalq əlaqələr sahəsindəki təcrübəsi ilə əlaqələndirilir.

Qeyd edək ki, Vüqar Sərdarovun atası Zakir Sərdarov Azərbaycanın müstəqillik dövründə formalaşan məşhur “91-lər” qrupunun üzvü olub və ictimai-siyasi mühitdə dərin iz qoymuş şəxsiyyətlərdən biri kimi tanınırdı.  (Bakıvaxtı.az)