Doğum evinin baş həkimi İŞDƏN ÇIXARILDI

Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən Ağciyər Xəstəlikləri Mərkəzinin nəzdində olan Suraxanı Doğum Evinin baş həkimi vəzifəsindən azad edilib.

Bu barədə Oxu.Az-ın sorğusuna cavab olaraq Ağciyər Xəstəlikləri Mərkəzindən bildirilib.

“07.10.2025-ci il tarixində Zalxa İsmayıl qızı Osmanova Azərbaycan Respublikasının Əmək Məcəlləsinin 68-ci maddəsinin 2-ci hissəsinin “a” bəndinə əsasən (işçinin təşəbbüsü ilə) tutduğu vəzifədən azad edilib”, – məlumatda qeyd edilib.

Qeyd edək ki, məsələ ilə bağlı ilk məlumatı Unikal.az saytı yayıb.