“Azərbaycan Polisi: Dövlətin sabitliyi və cəmiyyətin təhlükəsizliyinin təminatçısı”

El oğlumuz, dəyərli ziyalı, Dərələyəz mahalı Terp kəndindən olan polis polkovnik-leytenantı Knyaz Həsənov, 2022-ci ildən Ağcabədi Rayon Polis Şöbəsinin rəisi vəzifəsində çalışır.

Uzun illər hüquq-mühafizə orqanlarında xidmət etmiş Knyaz Həsənov, peşəkarlığı və rəhbərlik bacarığı ilə seçilmişdir. Əvvəllər Gəncə şəhərində müxtəlif vəzifələrdə çalışmış, həm işçi kollektivlərini idarə etməkdə, həm də ictimaiyyətlə əlaqələrdə uğurlar qazanmışdır.Knyaz Həsənovun rəhbərliyi altında Ağcabədi Polis Şöbəsi əhalinin təhlükəsizliyini təmin etmək, ictimai asayişi qorumaq və cinayətkarlığa qarşı mübarizə aparmaq sahəsində böyük nailiyyətlər əldə edib. O, rayon daxilində əməliyyatların uğurlu həyata keçirilməsini diqqətlə izləyir və polis əməkdaşlarını peşəkar fəaliyyətə təşviq edir.
Eyni zamanda Knyaz Həsənov rayon sakinləri ilə açıq və səmimi ünsiyyət qurur. Onun vətəndaşlara diqqətli yanaşması, müraciətləri dinləməsi və problemlərin həllində şəffaflıq prinsiplərinə önəm verməsi, həm polis əməkdaşlarının, həm də vətəndaşların etibarını artırır. Ağcabədi polisinin peşəkarlığı və vətəndaş yönümlü fəaliyyəti Knyaz Həsənovun rəhbərliyinin nəticəsidir. Onun nümunəvi fəaliyyəti həm əməkdaşlara ilham verir, həm də vətəndaşların hüquq-mühafizə orqanlarına inamını gücləndirir.

Allah polislərimizi qorusun! 🙏
Ulu Öndər Heydər Əliyev demişdir: “Azərbaycan polisi dövlətçiliyimizin dayağıdır, xalqımızın təhlükəsizliyinin təminatçısıdır.”